L'APLA ye una asoziazión creyada por profesors y profesoras aragoneses que esfendemos a nuestra luenga en toz os suyos ambitos y rebindicamos a dentrada de l'aragonés en l'ambito escolar d'o nuestro país con plena normalidá, reclamando que sigan emparaus os dreitos istoricos y lingüisticos d'o nuestro pueblo.
L'aragonés ye a luenga uropeya más minorizada y menos refirmada por as autoridaz gubernamentals. Ye una luenga no reconoxida ofizialmén y que cuasi no tien presenzia sozial ni estituzional. S'amuestra tasamén en bels pocos zentros escolars d'as localidaz altoaragonesas de Chaca, Samianigo, Biescas, L'Aínsa, Echo y Benás, pero como una autibidá complementaria u estraescolar, de tal traza que no ye una aria curricular y sin de costanzia en os espediens academicos.
A nuestra luenga ye de filiazión romanica (latina) y se troba en a colla de luengas pirinencas, con o catalán y l'oczitano.
O nuestro coleutibo treballa en a pedagoxía d'a luenga y en a confeuzión de didauticas ta toz os rans de l'amostranza. Programamos os contenius que han de conoxer todas as presonas que quieran dentrar en o coleutibo d'o profesorau d'aragonés. Planificamos estratexias ta estendillar a normalizazión d'a luenga en a nuestra soziedá. Y esfendemos a o profesorau d'aragonés debán d'a incomprensión y d'as autituz intolerans.
As prosimas autibidaz (regunions, escuela d'estiu, programas de formazión) las femos publicas en a ziber-rufierta de Crica. Coneuta-te-ne:
ISTA PAXINA YE DE CONTINO EN PARANZA. ALMITIMOS IDEYAS.
PUEZ CONTAUTAR CON NUSATROS Y NUSATRAS EN:
