EN CUATRU
PALLABRAS
¿Proteición pal castellanu?
La criación del Instituto de la Lengua Castellana en Castiella y Llión
resulta una de las bromadas más ridículas y grotescas qu'últimamente tuviemos que
soportar. Si una Academia, l'Instituto Cervantes, el prestixu social, los medios de
comunicación nun son abondas ferramientas pa la súa proteición... Ou ye que quiciás
solo se trate de zucar de las subvenciones autonómicas en cuenta de dedicalas a la
proteición d'otras llinguas que nel sou ámbitu si que cuerren peligru de desaniciu?.
Día Européu de las Llinguas Minoritarias
Celébrase'l doce d'abril la tercera edición d'esti día especialmente
dedicáu a la sensibilización de los europeos sobre la situación de las llinguas
minoritarias. Tamos trabayando na idega de convocar una mesa redonda esi día cola
participación d'outras asociaciones llionesas, anque seiría hora de que las
instituciones públicas s'implicaran nesta celebración. Ye probable que tengan razón los
que camientan qu'España nun ye Europa.
Gallegu n'El Bierzu
Nun prestóu en dalgunos ambientes galleguistas las nuesas protestas sobre
l'ensiñu del gallegu n'El Bierzu. Ye'l sou problema. Nós creyemos nel dreitu de los
gallegos-falantes a la presencia de la súa llingua na escuela. Pero nun podemos tar
d'acuerdu en que, cola sida de la súa proteición, preténdase la colonización cultural
y llingüística de zonas au nunca nun se falóu esa llingua. Torenu, El Fabeiru ou
Ponferrada nun son localidaes gallego-falantes, y eso sábenlo de sobras. Yá valíu con
tanta hipocresía.
TRABAYANDO...
Toponimia menor del noroeste de la provincia de
Zamora. 1. Mombuéi.
Espublizáu nel últimu númaru de Lletres Asturianes (Febreiru, 1.999, númaru 70),
trátase d'un prestosu trabayu sobre los nomes de llugar d'esta zona zamorana. Promete
continuase y ye debíu a la investigación de David García López y Ricardo Boyano
Andrés.
Calca eiquí pa dir al índiz