Corporales ye un importante pueblu allugáu na fastera sur del míticu monte Telenu, na comarca de Cabreira. Ellí vive Moisés Liébana, unu de los últimos gaiteiros llioneses. Moisés ye quiciabes de los poucos que caltienen testeronamente la tradición de nuesu por cima de tou. A él debemos la recuperación de las famosísimas Danzas del Rei Nabucodosor, unu de los palotiaos que tan carauterísticos son de las nuesas tierras.

La gaita de fuelle (o de fuolles, cumu dicen en dalgunos llugares) tien un importante papel nestas danzas, cumu tamién lu tuviera n'outros cantares de nuesu.

Últimamente cobróu ciertu puxu la denominación "gaita de fole" pa referise a estos instrumentos na tierra de Llión. Ye falsia dafeitu. Trátase d'una denominación propia d'outras tierras que dalgunos estudiosos del folklore espardieron neglixentemente, pues en dengún momentu parorun a comprebar cuála yera la denominación qu'a esti instrumentu dában-y las xentes de las comarcas onde siguía tocándose. Lo curioso ye que ta aceutándose ente los propios gaiteiros tradicionales, que corrixen, cumu n'outras situaciones comunicativas, la sua llingua en favor de términos que consideran, pol prestixu social del que los trai, más afayadizos.

Moisés nun ye de toos moos l'últimu gaiteiru llionés. Dexando a un lláu'l casu de Zamora, onde hai un importante esporpolle al rodiu d'un gaita d'estructura arcaica, nesti momentu inda esisten gaiteiros en Cabreira, Valdería, El Bierzu, Ççaciana, Babia, la Montaña central... y hai referencias recientes d'outras como Maragatos ou Cepeda.

Quiciabes el problema tea en que los grupos de música y bailles tradicionales basorun los sous repertorios en piezas del chanu, simplificando la interpretación de los cantares en torno a mui poucos intrumentos, como la dulzaina y esqueiciendo asina outras ferramientas musicales. Ye dalgo asemeyáu colo que pasóu col traxe del país, chegando a una situación na que se refabricóu un estereotipu que nada tien que ver col forma de vistir que tenían los nuesos güelos a finales del sieglu pasáu.

Un instrumentu rellacionáu cola gaita ye la pipa, que ye'l nome que recibe la payuela del ronco de la gaita. El sou nome llémbranos curiosamente del que recibe l'instrumentu nas Isllas Británicas.

Feitu normalmente de sabugueiru, tenía un usu más pastoril, y ye que yera l'entrenamientu de los gaiteiros nas llargas horas que pasaban nu monte.

N'outra ocasión describiremos la gaita y las estremadas téunicas que se dan nel nuesu dominiu llingüísticu, agora quédanos puxar porque esti instrumentu que nel pasáu foi'l cimeiru de la nuesa cultura garre cada día mayor presencia ente los grupos y coleutivos que curian pola nuesa música y la nuesa cultura.'