Abril 1.999
Dómina III. Númberu 1
Las dúas caras de la lluna.
El nuesu gran poeta Xuan Bello fai una guapa metáfora de los llazos que dende siempre
axuntan a
Llión con Asturies, los dous territorios orixinales del vieyu reinu llionés.
Cruz de Fierro.
La vieya cruz, símbolu del camín de Santiago, sufre toa triba d'ataques, y ente ellos la
falsificación del sou
nome.
Música.
La gaita ye un instrumentu col que nas últimas décadas desidentificóuse la población
llionesa pero qu'amerita una
rehabilitación.
Llingua.
La divulgación ye la primer xera a entamar, por ello collaboramos con esti trabayu na
revista La Veiga.
Y amás...
Actividaes
En 4 pallabras
La rede
Llibros
Anuncias |
SI
L'ASTURLLIONÉS NUN ESISTE... ¿POR QUÉ YE LLINGUA OFICIAL EN PORTUGAL?
Ye una de las frases que davezu hemos de soportar de muitos de los ignorantes políticos y
de los más que "politizaos" caderalgos y inteleutuales que nos foi a tocar en
suerte nesta tierra. Resulta curioso que mientes estos nueos "torquemadas"
persiguen y ñegan la diversidá cultural, un país vecín establez los medios afayadizos
pa que la llingua propia de más de quince mil portugueses nun desapaeza. Y ye que'l
mirandés, dialeutu perteneciente al bloque occidental del tueiru asturllionés ye dende
setiembre del añu pasáu llingua oficial de los conceyos de Miranda 'l Douru y Vimiosu.
Un seriu avisu p'aquellos qu'enfotaos en ñegar la peculiaridá de Llión, nun se decatan
de que la cultura de nuesu pertenez a outros territorios y llugares que nun son, nen
muitu menos, la provincia de Llión.
|
 |
Facendera aniala nel corazón
del vieyu Llión.
Una nueva etapa nun nueu llar.
El nueu local de la nuesa asociación ta allugáu nun vieyu edificiu del Barrio Húmedo,
la zona hestórica de la capital llionesa.
Espaciosu n'abondo pa las necesidaes qu'anguaño tien l'asociación foi inaguráu'l pasáu
mes d'avientu tres las iguas necesarias.
Na reapertura del nuesu nial cuntemos cola presencia de Fernando Álvarez-Balbuena, quien
fixo una esposición de la situación
llingüística d'El Bierzu, agora d'actualidá, y de dalgunos miembros de la Xunta pola
Defensa de la Llingua Asturiana y de Xunta
Moza. Con ellos entamamos una pequeña y amena xolda na que se puxo de manifiestu la
gayola cola qu'emprincipiamos esta
nueva etapa |
| El mayor
númberu d´estancias carauteriza la nueva sede frente a la anterior, lo que
facilitará´l trabayu en grupos. Na foto María Vega, trabaya na Secretaría, llugar
aonde se lleva tola cuestión alministrativa |
|
