Quiciabes con mayor fuercia n'Asturies, onde la reivindicación cultural y llingüística algamóu yá gran pesu, muitos son los que baxorun hasta la villa del Douru pa conocela. Outros esperan la chegada de las vacancias col fin de disponer de dalgunos días y entamar el viaxe.

Pero mientas podemos satisfacer el nuesu interés a traviés de la rede, pues son abondas las páxinas qu'ufiertan información de las tierras mirandesas, de la súa hestoria, folklore y patrimoniu monumental. Inclusu esisten páxinas que falan de la llingua, de la que los mirandeses siéntense bien d'arguyosos. La mayoría d'ellas ta en portugués, anque las hai qu'emplegan el mirandés. Sicasí tovía ye mui llargu'l camín que tien d'andar la nuesa llingua nesti territoriu p'aportar a un nivel de normalidá, depués de décadas arrequexada al emplegu rural y desapartada de situaciones sociales más "formales".

Poro, ye normal que las páxinas en mirandés tean referidas a los llabores tradicionales, los cantares, las romerías y el mundiu mitolóxicu. Por últimu dicir que la súa convención gráfica ta mui influyida pol portugués, anque eso nun torga la comprensión.

·Asociación Virtual de Cultura Mirandesa.

Páxinas con hestoria, llibros, llingua, etc.... Cumu dicen, el sou oxetivu ye "l'intercambéu d'ideyas y informaciones sobre temas culturales mirandeses, y criar un bancu de datos de temática mirandesa". Pueden pertenecer a esta asociación "tolos cibernautas mirandeses d'orixe ou adopción".

La súa direción:

www.terravista.pt/bilene/2957

·Escuela EB2 de Miranda'l Douru:

Ye 2u Premiu NetD@ys 1.998. Trátase d'un proxeutu escolar que caltién una completísima páxina d'información sobre la llingua de Miranda. Oríxenes, hestoria, bibliografía y guapísimos exemplos de lliteratura popular.

La súa direición:

www.eb2-miranda-douro.rcts.pt/

·Camara Municipal de Miranda'l Douru:

Ye l'equivalente al ayuntamientu de Miranda. Tien tou tipu d'información sobre la villa y guapas fotos pa que la conozas d'antemanu.

La súa direición:

www.cm-miranda-douro.pt/