HESTORIA
La Banda Gaites Güestia de Pola de Lena fundóse n´abril de 1991, pola nuesa festividá de La Flor. Dende esi momentu, la banda fexo sonar los sos instrumentos per bayura conceyos n´Asturies, dende Cabrales a Taramundi, por facer referencia a dos pueblinos del oriente y ccidente asturianu respectivamente.
La Banda de Gaites Güestia lleva la so música a bayura d´actos de distinta mena ,dende un romería nun pueblu con cellebración llitúrxica incluyía, pasando por bodes, conmemoraciones, romeríes asturianes, hasta eventos multitudinarios de carácter internacional.
Arriendes de conocer perbien la nosa rexón, la banda tien participao en bayura de certámenes musicales de distintes menes y tamién en munches fiestes en bien de llugares de la xeografía española: Álava, Alicante, Burgos, Cantabria, Castellón, León, Navarra,etc.
Ye tamién destacable la so participación delles vegaes en dellos llugares de Francia : Annoix, Bourges, Dun-sûr-Auron, Vesdún, y Levet.