CONCEYU XOVEN DE ZAMORA nagua por recuperar la xunidá de la nuesa provincia colos outros territorios de cultura llionesa. Angüañu, y por aciu del imperialismu castellanu, la nuesa provincia forma parte xunta con outros territorios llioneses de la comunidá artificial de Castilla-León.

Sicasí, el cabeiru reductu nel que s'abelluga la identidá llionesa güei ye la Provincia de León, espaciu políticu al que quixeren reducir el nuesu País (nun ye nin un 30% del territoriu por u s'esparde la nuesa cultura), polo que ye urxentísima la dixebra d´esa comunidá.

Cuando'l Gobiernu Español abríu la puerta de mínima capacidá d'autogobiernu pa las nacionalidaes y rexones que la forman, El País Llionés foi la única Nación a la que se-y negóu. El nuesu país foi xuníu a los restos de Castiella, nuna artificial Comunidá Autónoma inventada nun despachu y escontra la voluntá'l nuesu pueblu, col envís d'aniquilar la nuesa cultura.

La carencia dafechu del mínimu grau d'autogobiernu, la ocupación alministrativa del País Llionés por parte del Gobiernu Colonial de Valladolid, la división artificial del país en tres provincias, incluyendo partes del mismu n'outras y en dellas Comunidaes Autónomas, y la separación dende cuantayá de los Territorios del Sabor, fomentan una cafiante pérdida d'identidá nacional.

Dada la carencia de cualisquier nagüe oficial, CONCEYU XOVEN DE ZAMORA considera un llabor cimeiru y urxente'l defender, con tolos preseos al sou algame, la cultura llionesa allí na nuesa provincia. Nun segundu intre, pasaremos a la reivindicación política.

Nun entamu, desiximos la creyación inmediata d'una Comunidá Autónoma Lleonesa dientru l'Estáu Español y formada polas actuales Provincias de Llión y Zamora, y la convocatoria d'un refrendun de reunificación nos territorios llioneses de Salamanca, La Liébana, Valdeorras, marxe izquierda del Valderaduei y Franxa'l Carrión.

Inmediatamente habrá convocase una mesa de negociación pa establecer los calces de reincorporación a la Comunidá Autónoma Llionesa de los Territorios llioneses baxo alministración Portuguesa del rigu Sabor.